Gizon bat atxilotu dute Iruñean, gorroto delitua leporatuta

Irain arrazista eta xenofoboak egin eta hainbat objektu jaurti zizkion biktimari.

Espainiako Poliziak gizon bat atxilotu du Iruñean, emakume baten aurkako gorroto delitua leporatuta. Biktimak jarritako salaketaren arabera, saltoki bat garbitzen lanean ari zen erasoa gertatu denean. Erasotzaileak jarrera bortitzez irain arrazista eta xenofoboak egin zizkion emakumeari. Hitzezko erasoaz gain, hainbat objektu lurrera bota zituen, eta aulki bat jaurti zion. Saltokian ziren bezeroen laguntza jaso zuen emakumeak.  Gizona identifikatu eta aurkitu ostean, Poliziak atxilotu egin du.