70 taberna eta Peñetan banatuko da Sanferminetako edalontzi berrerabilgarria

500.000 edalontzi banatu dituzte Alde Zaharreko taberna eta Peñetan, hondakin plastikoak gutxitzeko kanpaina honen barruan. 30cl, 50cl eta 100cl-ko edalontziak eskeiniko dira, zurito eta katxirainoko tamainak alegia. Euro bateko salneurria izanen du. Taberna zein Peñetan itzuliz gero, euroa bueltan jasoko dute erabiltzaileek.

"Aski dut batekin" leloa darama edalontzi berrerabilgarrien kanpainak, Sanfermin jasangarri eta garbiak lortzeko asmoz. Honela, Iruñeko festak, 2020an erabilera bakarreko edalontziak debekatzen dituen araudiari aurre hartuko dio.