Lehenengo zabalgunean oinezkoendako espazioa handitzearren egindako lanak betikotzeko obrak gelditu dituela iragarri du Iruñeko Udalak. Sanferminak pasata hastekoak ziren lanak Takonera eta Padre Moret kalearen inguruan baina bertan behera geratu dira udal gobernu taldeak amabilizazioa deitutakoa, erabat berrikusi nahi duelako.
Basotzo kalea oinezkoendako utzi, egungo pibote eta hesiei izaera egonkorragoa eman eta villavesendako bideak ongi markatzeko asmoa zuten obrek baina udalean gobernu aldaketa egonda bertan behera geratu dira egitasmo hauek. Merkatariekin bildu da Enrique Maia alkatea eta haiekin egon ostean, aurretik iragarritakoa beteko duela adierazi du, hau da, hiriaren erdigunetik kotxeak ateratzeko plana bertan behera utzi eta berriz ere autoendako kaleak zabaltzea. Pio XII.eko egoera eta amabilizazio plan guztia berrikusiko dituela iragarri du alkateak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
