Festari bai baina zezenketarik gabe

Elektrotxarangarekin jai kalejira eginen du Iruñea Antitaurinak uztailaren 7an zezenketen orduan, animalien kontrako indarkeriarik gabeko festa egin daitekeela erakusteko. Kolektiboa Sanferminzalea dela argi utzi du, bainan zezenketek jaietan tokirik ez dutela azpimarratuta. Ez dute entzierroaren kontra eginen, Iruñean eztabaida sakona eta lasaia egin behar dela argudiatuta.

Peñei mezu zuzena bidali diete. Beren bazkideak zezenzaleak ez direla argudiatuta, bestelako alternatibak antolatu ditzatela eskatzeko. Gutxinaka gutxinaka, peñen barruan eztabaida ematen ari dela onartuta, nahi baino mantxoago doazela dio Iruñea Antitaurinak. Eredu moduan, Lizarrako La Botak, zezenketetara ez joateko hartutako erabakia txalotu eta azaldu dute.