Bizikletaz alde batetik bestera mugitzeko aukera gero eta zabalduagoa dago. Autoa albo batean utzi eta bestelako garraiobideen aldeko apustua egiten dute batek baino gehiagok. Filosofia hori da hain zuzen ere Con Bizi izeneko topaketetan helaraziko dutena. Uztailaren 19tik 28ra eginen dituzte topaketak Iruñean. Lehen egunean 'Bizifestazioa' eginen dute Iruñean 22:15ean.
Topaketetan hainbat arloren inguruan solastuko dira, hitzaldiak eta ekitaldiak izanen direlako. Bizikletaren gainean ere ibiliko dira, noski. Izan ere, hiriak eta errepideak ez daude prest oraindik bizikleten joan etorriak hartzeko. Horregatik, hausnarketa eta eskaera ugari daude planteatzeko. 8-80 plataformak antolatutako ekimena da horixe.
Con Bici Topaketa horiekin bat eginen du gainera EkoMartxak. Aurten Katalunian abiatuko da eta Espainian sortzen ari diren makro- abeltegien kontrako martxa izanen da. Nafarroan sartutakoan gainera Abiadura Handiko Trenaren azpiegituraz ere hausnartuko dute.
400dik gora parte hartzaile espero dituzte Con Bici izeneko topaketetan. Uztailaren 19tik 28ra eginen dituzte.