Tabernaz taberna eta peñaz peña aritu dira HIESAren Aurkako Nafarroako Batzorde eta Gazteriaren Kontseiluko kideak. Informazioa, posterrak, diptikoak eta 23.000 antisorgailu banatu dituzte, festen bitartean, taberna zein peñetako bezero eta kideentzako eskuragarri izan daitezen.
Sanferminak askatasunez bainan segurtasunarekin bizitzeko kanpaina abian jarri dute, aurten bereziki gazteei zuzendutako mezuekin, larrituta baitaute, azken urteotan sexu harremanen bidez kutsatzen diren gaixotasunek izan duten gorakada gazteenen artean.
Eta jai giroan murgiltzeko, ostiral honetan, txupinazo egunaren atarian, aldeza zaharreko kaleetan kalejira eginen dute txaranga eta peña pankarta batekin, "Sentitu Gozatu, Kondoia erabili" leloa zabalduz.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
