2008ko uztailaren 7an hil zuen Jose Diego Yllanesek Nagore Laffage. Harreman sexualak ez zituela izan nahi esan ziolako akabatu zuen emakumea. Hamaika urteren ondoren eta urtero bezala ekitaldia eginen dute erailketa hura gogoratu eta Laffageri omenaldia egiteko. Kondestablearen Jauregian izanen da 19:00etan. Aurreskua, ekitaldia eta aintzatespen irakurketa izanen dira besteak beste. Lunes Lilas taldeko kideak ari dira antolatzen eta kolaborazioa eskaintzen diete Nafarroako Gobernutik zein Iruñeko Udaletik ere.
Homiziodioagatik zigortu zuten Yllanes
Hamabi urteko espetxe zigorrera kondenatu zuten Laffageren hiltzailea. Bederatzi urte kartzelan igaro ondoren lo egitera baino ez zen joaten espetxera. 2018tik gainera baldintzapeko askatasunean dago Yllanes. 2020. urtean beteko du erabat haren zigorra.
