'Izan ginelako, izango gara?' bertso saio irekia antolatu du UEUk, Katakraken

Uxue Alberdi eta Onintza Enbeita ariko dira bertsoan. 17:00etan hasiko da, eta sarrera doakoa da

Ikastaro bikoitza da UEUk Iratzar Fundazioarekin elkarlanean antolatu duen Askapen bide(ar)en haritik... Izan ginelako, izango gara?. Iruñean hasi da eta Baionan emango den Garelako, zer izan nahi dugu? ikastaroarekin lotura dauka. Bertso saio batekin emanen diote amaiera, Katakraken, 17:00etan. Onintza Enbeita eta Uxue Alberdi bertsolariak ariko dira bertsoan. Saioa irekia da.