14 galdera erregistratu du EH Bilduk Iruñeko Udalean, pasa den igandean hiriko kaleetan egindako Corpus Christiren prozesioaren harira. 2.000 euro inguru eman zizkion Udalak artzapezpikuari, prozesioan erabiltzen diren belarrak eta kaleak apaintzeko loreak ordaintzeko. EH Bilduk salatu du, ez dagoela udal aurrekontuetan diru partidarik gastu hauetarako.
Corpus Christiren prozesioa eliza katolikoak antolatutako ekimen pribatua da, azaldu du EH Bilduk, eta bere gastuei aurre egiteko ez dago diru partidarik aurreikusita aurrekontuetan. Joseba Asironen taldeak gatsu hori salatu eta dirua nondik atera den galdetu dio zuzenean Udal gobernu berriari.
Enrique Maya alkateak ekitaldian parte hartu zuen hiriko aginte makila eta dominak jantzita. EH Bilduren iritziz, udal protokoloa eta instituzioaren akonfesionaltasunaren kontrakoa izan zen alkatearen jarrera hau. Gertatutakoa oso larritzat jo du EH Bilduk.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
