Kolorea paretan eta musika airean. Horixe atzo Munduko Medikuak erakundeak antolatutako ekimenaren emaitza. Biurdana Institutuaren parean dagoen pareta ez da txuria izanen jada. Bi esku, elkar hartuta ageri dira orain. Errefuxiatuei harrera egiteko keinu bat irudikatu dute. Migratzaileen errealitatea ezagutarazi nahi dute eta horretarako ekitaldiak egin dituzte. Musikaren bidez ere adierazi dute errefuxiatuen egoera zein den: Ingravito taldeak kanta bat egin du pertsona horien bizimoduaren inguruan. Eta atzo aurkeztu zuten muralaren ondoan.