'Zimurrak baleki' lana aurkeztuko du Maddi Zubeldiak Erraldoien Txokoan

Euskalerria Irratia 2019ko eka. 13a, 07:47

Abeslari eta idazle ziburutarrak bakarkako azken lana aurkeztuko du gaur iluntzeko 20:30ean. 

 

Maddi Zubeldia abeslari eta idazle ziburutarrak, H-Eden taldearen sortzaileak, bakarkako azken lana aurkeztuko du. Zubeldiak Zimurrak baleki Belarri diskoetxe berriarekin atera duen hirugarren diskoan jarraitzen dio kantautore-ibilbideari. Folk giroan musika eta poesia uztartzeko asmoa aurkezten du Pat Tetevuiderekin batera osatutako lan honetan, zeinean Nahia Zubeldia eta Pettiren kolaborazioak ere izan dituen. Zimurrak balekirekin, Maddik musikan, adinean bezala, aitzina doala erakusten digu, jakin-minez eta gogotsu.

Formatu txikiko kontzertuak. Kantu eta hitza 2019. Erraldoien txokoa. Maiatzaren 16tik ekainaren 27ra. 20:30ean.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!