Hamarnaka lagun bildu dira El Corte inglesen atarian. Saltokiak bi langile "bidegabeki" kaleratu dituela salatu nahi izan du LABk mobilizazioarekin. Izaskun Juarez: "Langile hauek ez dituzte kasualitatez kaleratu, mobilizatu diren langileak dira".
Egoera salatzeko enpresa batzordea osatzen duten sindikatuekin harremanetan jarri da LAB. Zortzi eta bost ordezkari dituzten FESGA eta FETICO sindikatuak "langileengana hurbildu ere ez direla egin", adierazi dute. UGT eta CCOO sindikatuek bina ordezkari dituzte enpresa batzordean. Salaketa elkarrekin egiteko gonbitea luzatu die LABk: "Ezetz erantzun dute. El Corte Inglesen boterea nork duen argi uzten du gertatutakoak".