Hernanin jaioa eta profesionalki antzinako musikan jarduten delarik, Maite Larburu biolin-jotzailea sorterriaren eta Amsterdamen artean, batetik bestera, bizi da. Neighbor bikotea sortu zuen Estatu Batuetako Josh Cheatham zangobiola-jotzailearekin, eta harekin bi disko kaleratu zituen, Ura patrikan(2013) eta HAU (2016): bietan agertzen dira folka, bossa eta jazza, eta euskaraz, ingelesez eta gaztelaniaz abestutako kantak. Hezurren azpian da bakarka egin duen lehen lana, hamaika abestiz osatua eta euskara hutsean, zeinean etxera itzultzearen ideiak garrantzi handia baitu. Larburuk bere ahotsaren adierazgarritasuna eta naturaltasuna erakusten dizkigu, munduarekiko begirada bere-berea, sentikortasuna, samurtasuna, umorea eta aldarria uztartzen dituzten hitzetan islatzen dena.
'Hezurren azpian' bakarkako lana aurkeztuko du Maite Larburuk gaur
Kantu eta Hitza zikloaren barruan formatu txikiko kontzertua eskainiko du abeslariak. 20:30ean izanen da Erraldoien Txokoan. Sarrera doanekoa da baina lehenago komeni da gonbidapena jasotzea.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
