Espero ez zituzten emaitzak baloratu dituzte Laura Berro eta Armando Cuenca zinegotziek. Arratsaldean biltzarra eginen du alderdiak taldearen jarraipenaz erabakitzeko. Iruñeko Udalean ordezkaritzarik gabe geratu da taldea, M26az geroztik.
"Erregimenaren alderdiak 15Maren aurreko maila berreskuratu dute", adierazi dute. Emaitzak ulertzeko hiru arrazoi eman dituzte. "Errenta baxuen duten auzoek abstentziora jo dute, eta aldaketa bozkatzeari utzi diote. Navarra Sumak, berriz, botante askoren konfidantza berreskuratu du". Hauteskundeetan Ahal Dugu eta munizipalismoaren haustura zigortu dutela ere uste dute. "Aldaketa lasaiaren hipotetsiak" huts egin duela da Aranzadiko kideek azaldu duten hirugarren arrazoia.
Adierazi dutenez, ez dute asmatu krisiak gehien zigortutako pertsonekin konektatzen. "Gure programarekiko koherenteak izaten saiatu gara, eta horren eraginez liskar zenbait izan ditugu gainontzeko kideekin".