Larunbatean pintxo eta ardo solidarioa eskainiko dute Santo Domingoko, Ermitagañako eta Zabalguneko merkatuek. Nafarroako Gaixotasun Arraroen Elkarteari (GERNA) emanen diote ateratako dirua. 'Dasta ezazu udaberria' izeneko ekimena izanen da 11:30etatik aurrera hasiko dena eta pintxoak amaitu arte martxan izanen da. Euro baten truke eskuratu ahal izanen dira Oberena Peñako, Napardiko eta Txoko de Carniceroseko sukaldariek prestatzen dituzten mokaduak, beti ere merkatuan erosketa egin ostean. Erosketarik egin ez bada, bi euroan izanen dira dastagarri pintxo horiek.