'Hambre de Justicia/Alimentando la Solidaridad' izenarekin Ivan Benitez argazkilariak bere lana dohaintzan eman dio Paris 365 jantoki solidarioari. Orain ikusgai dago Kondestablearen Jauregian. Pertsonen errealitatearen isla erakusten dute irudiek eta testuek. Sudan, Mali, Kongo, Etiopia, Siria, Mexiko, Garazako Harresiaren ingurua, India, Myanmar, Sahara eta baita Nafarroako herritarren bizia erakusten dute argazkiek. Hitzak ere badira tartean, hausnarketa egiteko baliagarriak direnak egilearen esanetan. Ekainaren 16ra arte bisitatu ahal izanen da lana.