Ezkabako ihesaldian parte hartu zutenak izan dituzte gogoan

Euskalerria Irratia 2019ko mai. 20a, 08:01

1938ko maiatzaren 22an 800 presok baino gehiagok hartu zuten parte. Omenaldia egin die beste urte batez Txinparta elkarteak. Ehunka lagun bildu dira egia, justizia eta erreparazioa eskatuz. 

81 urte joan dira Ezkabako ihesalditik. 800 preso baino gehiago ahalegindu ziren presondegitik ihes egiten. Gehienak hil egin zituzten, fusilatu. Txinparta elkarteak urtero gogoratzen du gertatutakoa eta omenaldia egiten die ihesaldian parte hartu zutenei. Egia, justizia eta erreparazioa eskatzen dituzte haientzat. Gertaera hura ahanzturan erori ez dadin beharrezkoak dira halako ekitaldiak Txinparta elkartearen ustez. Atzera begiratu behar da kritiko, aurrera begiratu ahal izateko. 

Lore eskaintza, aurreskua eta botilak izan ziren protagonistetako batzuk Ezkaba mendian. Fusilatu zituzten herritarren ondoan agertu ziren kristalezko botilak. Horien barruan izaten zen askotan paper bat hildakoaren datuak biltzen zituena. 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!