Etxebizitza alorrari buruz hitz egiteko hitzordua dute gaurkoan alderdi politikoetako ordezkariek. Etxe Kaleratzeen Kontrako Plataformak antolatuta Kaldereria kaleko 11.ean izanen dira Navarra Suma, Geroa Bai, EH Bildu, Podemos, Izquierda-Ezkerra, Ciudadanos, SAIN eta Equo alderdietako ordezkariak. 19:00etan izanen da mahai inguru hori. Hipotekekk kalteturiko herritarrei erantzunak emateko dituzten proposamenak entzun eta etxebizitzaren arazoari irtenbide emateko zein neurri eta baliabide jarriko lituzketen martxan ezagutzeko aukera izanen dela uste du Etxe Kaleratzeen Kontrako plataformak.
