Sanduzelai auzoan izanen da hirugarrenez jaialdia, Arga ibai ertzean. Leku koloreztatua eta alaitasunez betea bilakatu da ibaiaren ertz hori. Iruñeko Udalarekin batera Sanduzelai auzoko entitateek eta Iruñea Nola? Kolektiboak antolatu dute Ibaiertzean jaialdia. Bihar izanen du hasiera, iluntzeko zortzietan Ion Celestino Broken Brothers Brass Band taldeko kideak eskainiko duen ikastaro baten bidez.
Larunbatean musikak hartuko du espaziorik handiena: kalejiran irtengo dira auzoan eraiki dituzten soinudun bizikletekin, aurretik tailer batean egindako bizikletak dira horiek. Eta gero iritsiko dira bestelako doinuak: Makulu ken; DJ Budin; Presentes y Sonoras; Bakanoa edota Mad Muasel.
Ibaiertzean Sanduzelai auzora itzuliko da ostiral eta larunbatean. Musika izanen da auzoko herritarrentzat gozagarri, Arga ibai ertzeko zubi azpian.
PROGRAMA
Maiatzak 17, ostirala.
20:00: Brass Band musika-lantegia. Sanduzelaiko Civivoxa. Broken Brothers Brass Band-en eskutik
Maiatzak 18, larunbata.
12:00: Kalejira: Txirrindulak Aske. Auzoan barna, soinua erantsi zaien bizikletetan. Bat egizu!
13:00: Makulu ken. Kontzertua. Afrobeat. Lasarte.
14:30: DJ Budin. Argaren alde honetako disko-bildumarik onena. Lerin.
16:30: Presentes y sonoras. Ahots feministak Kolonbian, (dokumental-emanaldia)
17:00: Hitzaldia: Aida Bueno. Aniztasuna eta disidentziak: elkarrizketarako gonbita Afrikako erlijio ondorengoetatik
18:30: Cadipsonians. Calypso kontzertua. Cádiz.
20:00: Camino a Katanga. Bideo-emanaldia.
20:30: Katanga Ekosistema. Iruñerriko soinu-sistema gizarteratua. Kontzertua. Iruña eta Kolonbia.
22:00: Bakanoa. Kontzertua-Cumbia-Bartzelona
23:30 – 00:30: Roberto Sánchez feat Inés Pardo. Kontzertua. Reggae. Santander.
00:30: Mad Muasel. Kontzertua. Dancehall. Bilbo.
