Hiru luzemetraia eta bost laburmetraia izanen ditugu ikusgai jaialdiaren bigarren edizio honetan.
Ingurumen Heziketarako zentroak antolatutako ziklo honetan zinerik konprometituena bildu nahi izan dute gizartea eraldatzeko arte gisa.
Ecozine jaialdia 2008an jaio zen Zaragoza hirian, Ecozine elkarte kulturalak bultzatua eta iaztik Nafarroako hiriburuan jaialdiaren atal bat gozatzeko eskiantzen zaigu.
Gazteentzako eta unibertsitateko ikasleentzako emanaldiak amaituta, orain publiko orokorrentzako saioak heldu dira:
Maiatzak 13: "Overbooking", Balearetako turistifikazioaren begirada bat.
Maitzak 14: "The geographer and the island", Nuklearren gatazka, Japoneko landa eremutako sustraietatik.
Maiatza 15: "Activist": Bere lurraldea defendatzeko asmoz, makina batera lotu ordez politikan sartzen den Finlandiako nerabe baten istorioa.
Maiatzak 16: Laburmetraia-sorta. Amazonaseko bihotza, Itoiz inguruko biziaren erritmoa, Indonesiako itsasoak, amodioa eta elikadura eta askoz gehiago.
