Sanferminak iragartzeko kartela bozkatzeko azken eguna da gaur

Euskalerria Irratia 2019ko api. 30a, 08:24
Hauek dira zortzi kartel finalistak.

Iruñean erroldatutako 16 urtetik gorakoek dute aukera gustukoen duten afixaren aldeko botoa emateko. Internet bidez edo 010 telefonora deituta eman daiteke botoa. 

Iruñean erroldaturik bazaude, gehien gustatzen zaizun sanferminetako kartelaren alde bozkatzen ahal duzu, epaimahaiak aukeratutako zortzi finalisten artean. Pertsona bakoitzak boto bakar bat ematen ahalko du, honako bide hauetakoren bat erabiliz:

  • Sanduzelai, Kondestable, Iturrama, Zabalgune, Mendillorri, Milagrosa eta Juslarrochako Civivoxetan, bertara joanez
  • 010 telefonora deituz (948 420100, Iruñeaz kanpotik deituz gero)
  • webgune honetan

Bozkatzeko epea apirilaren 16tik 30a (mugaordua:19:00)bitarte izanen da. Orri honetan zortzi kartel finalisten argazkiak ikusi eta handitzen ahal dituzu. Kartelak zenbakiturik daude.

Botoa zeinen alde eman nahi duzun erabaki eta gero, 'Bozkatu' hitzaren gainean sakatu eta beste leiho bat zabalduko da. Bertan, zure NAN, AIZ edo pasaportearen zenbakia, zure izena eta lehen abizena idatzi. Datu horiek derrigorrean ematekoak dira, eta ez emateak edo oker izateak botoa baliogabetuko du. Bigarren abizena ematea hautazkoa da.

Zure datu pertsonalak Iruñeko Udalaren fitxategi automatizatu batean erregistratuko dira, eta ez da onartuko datu horiei beraiei loturiko beste botorik.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!