Jadanik kontsulta dezakezu apirilaren 28an hauteskunde mahai batean lan egin behar duzun edo ez

Euskalerria Irratia 2019ko api. 1a, 10:44
Deskargatu Info Ahotsak :

Iruñeko Udaleko web gunean, pamplona.es eta udaleko telefonoan, 010 ean kontsulta daiteke jadanik, apirilaren 28an hauteskunde mahai bateko kide izatea tokatu zaizun ala ez. Horretarako NAN zenbakia eta lehendabiziko abizena ematearekin nahiko da, zure zentsu datuak ezagutu, zein hautesleku egokitzen zaizun jakin eta hauteskunde mahaian lan egitea tokatu zaizun ezagutzeko. Gaur ezagutu dira Iruñeako datuak, bihartik aurrera argitaratuko dira Nafarroako beste hiri eta herrietako zozketen emaitza.

Gaur goizean egin da zozketa informatikoa Iruñean, 270 hauteskunde mahaietako 810 kideak eta beste 1.620 ordezko hautatzeko. Irakurtzen dakiten, Iruñeko 18 urte gorako eta 70 urtez azpikoko bizilagunen artean eginen da zozketa.

Hauteskunde mahairako hautatuak izaten diren pertsonak datorren apirilaren 28an goizeko 8etatik arratsaldeko 8etara lan egin beharko dute, Iruñean izanen diren 23 hauteslekuetan.

Ez da izanen datozen hilabeteotan eginen den hauteksunde mahaietarako zozketa bakarra. Hialabete barru, prozedura hau errepikatuko da maiatzaren 26ko hauteskudne mahaiko kideak hautatzeko. Apirilaren 28rako aukertauak izaten direnak ere, hautatuak izan daitezke maiatzeko udal, foru eta Europako hauteskundeetan lan egiteko.

Politika Iruñea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea