2019ko sanferminak iragartzeko 245 proposamen aurkeztu dituzte. Oraindik hori bai Iruñean dauden erregistro guztietako kartel aurkezpenak ez dira kontuan hartu eta gehiago izan daitezke azkenean aurkeztu dituzten afixak.
Epaimahaiak aukeratu beharko du orain aurkeztu diren kartel guztien artetik 20. Apirilaren 5ean ezagutaraziko dituzte zein 20 afixa pasa diren hurrengo fasera eta pamplona.es weborrian ezagutaraziko dute. Hogei kartel horien egileek euren lana formato fisikoan aurkeztu beharko dute eta horretarako 100 euro emanen die gehienez udalak.
Pauso hori emanda 20 kartel horien artetik zortzi hautatu beharko dituzte eta gero bai Iruñean erroldatutako bizilagunen txanda iritsiko da: euren botoen bidez erabakiko da zein afixak iragarriko dituen 2019ko sanferminak.
Iaz 6.511 bizilagunek hartu zuten parte kartela erabakitzeko bozketan eta Adriana Eransus iruindarraren lana izan zen garaile: Pamplona, ciudad de luces izena zuen afixa. Botoen %33,8 eskuratu zuen.