10 urteko kartzela zigorra ezarri zien Nafarroako Auzitegi Nagusiak bost auzipetuei, sexu gehiegikeri edo abusuak egotzita. Epaitegi Goreneko fiskaltzak errekurtsoa aurkeztu du, epaiketan eta sententzian bera, frogatutzat ikusten duelako biktimarekiko izan zen intimidazio eta indarkeria. Fiskaltzak ez du beharrezkotzat ikusten mehatxu esplizituak egin izana, gertatutakoa eraso moduan ulertzeko, "espazio txiki eta itxi batean, biktima inguratuta, bere gainetik bost gizonezko...ez da beharrezkoa mehatxu zuzenik, intimidazioa agerikoa dela azaltzeko". Fiskaltzaren iritziz ezin zaio biktimari eskatu, egoera horretan, jarrera herokorik izatea, "kalte eta arrisku handiagoa suposatu bailezake" horrela aritzea.