Aurreko urteetan saria jasotako bi artistek balorean jarri dute diru laguntza honek suposatzen duena. Carmen Larraz dantzari eta koreografak “Transoceanica” ikuskizun multidisziplinarra sortu zuen sariarekin. Lasaitasunez lan egiteko aukera eman ziola azpimarratu du.
Cesar Oroz marrazkilariak ere, Nafarroaren historiari buruz egin duen komikia, sari hau jasota sortu zuen. Haren esanetan, artistek tiraderan gordeta dituzten ideiak argitara ateratzeko aukera paregabea ematen dute diru laguntza hauek.
Sortutakoa ezagutzeko, sorkuntza prozesuaz hausnartzeko jardunaldiak antolatu ditu Iruñeko udalak. Gaur bertan, Condestable Jauregian, Carmen Larraz izanen da. Bihar, osteguna Cesar Orozekin batera arituko da mahai inguruan eta larunbatean, Oroz-ek berak, bere lanaz eta sortze prozesuaz hiztaldia emanen du.