Jagoba Arrasatek 2020rarte berrituko du Osasuna taldearekin

Akordioa lortu dute talde gorritxoaren zuzendaritzak eta entrenatzaile bizkaitarrak. 2018ko udan iritsi zen Osasunara Jagoba Arrasate eta urtebeteko kontratua sinatu zuen. Lehen mailara igotzeko helburuarekin, lorpen horretan jarri zuten bi aldeek kontratua automatikoki berritzeko baldintza. Hala ere, Arrasateren lana balorean jarrita, oraindik ere lehen mailarako igoera lortu ez den arren, kontratua luzatzea erabaki du Sabalza presidenteak.

Une honetan Osasuna lehendabiziko da sailkapenean eta lehen mailara begira jarri da jadanik. Taldea modu gozoan dago, harmailak ere kontent eta entrenatzailearen berritzea giro honekin bat dator. Datozen egunetan sinatuko da ofizialki Arrasateren kontratuaren luzapena.