'Jatorrira bidaia' egingo du Argiak larunbatean Iruñean

Euskalerria Irratia 2019ko ots. 20a, 14:10

Duela 100 urte sortu zen 'Zeruko Argia' hilabetekaria Iruñean, 1919an, fraide kaputxinoen eskutik. Ikusi azal zaharren galeria.

1919an sortu zuten Aita Damaso Intza eta Aita Buenabentura fraide kaputxinoek Zeruko Argia Iruñean. Horregatik, "Jatorrira bidaia" egingo du Argia astekariak larunbata honetan, otsailaren 23an.  Kaputxinoen komentutik hasita (Errotazar 42 helbidean), argazki "historikoa" aterako dute bertan. Ondoren, Iruñeko Alde Zaharrean Gynkana jolasaren bidez euskara gaia landuko da. 

Eguna girotzeko, aurretik Zeruko Argia sortu zuen Damaso Intza kaputxinoaren artxiboan egon dira Argiako langileak.

Komunikabidearen 100 urteak laburbildu ditu Xabier Letona kazetariak erreportaje honetan.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!