Erorien eraikina behera bota edo ta bertan mantendu, eta mantentzekotan zer egin berarekin. Galdera horri erantzuten diote Iruñeko Udalak, nazioarte mailan zabaldutako lehiaketan finalista atera diren 7 ideiek. Proiektuetako batek, eraikina bertan behera bota eta tokian memoriaren parke bat ezartzea proposatzen du. Eraikina ez eraistea proposatzen dutenek aldiz, erabilera eta forma ezberdinak planteatzen dituzte. Badago arkupeak zabaldu eta Carlos IIIa etorbideari jarraipena ematea proposatzen duena, Memoria Historikoaren zentroa bertan jarri, Arte garaikidearendako museoa, gune ludiko bat, liburutegia edo ta Sanferminetako museoa edo iruñeko udalaren egoitza berria izatea ere proposatzen duenik.
Arratsaldeko 7etan Kondestable Jauregian, 7 proposamenen egileak izanen dira, publiko aurrean beren proiektuak aurkezten. Horren ostean, idea guztien erakusketa zabalik izanen da hiritar guztiek ezagutu ditzaten eta baita beren ekarmenak egiteko aukera izan dezaten. “Izan zen, da eta zer izanen da?” izenburua darama erakusketak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!