78ko San Ferminetako gertakizunen gaineko txostena argitara atera du EH Bilduk

Sanferminetako gertakarien ostean Madrilgo Diputatuen kongresuan, 78an bertan, gertatutakoa argitzeko batzordea egin zen. Bilkuraren aktak bazeuden, publikoak ziren baina ez ordea, batzordean landu egin zuten txostena. EH Bilduk hirutan eskatu du txosten hura. Mariano Rajoy presidentea zenean, Pedro Sanchez Monkloara ailegatu zenean eta azkenean hirugarrengoan, kongresuko erregistroan bertan lortu dute erantzuna. Agiri polizialak, txostenak, lekukotasunak, planoak…material mardula lortu dute, Marian Beitialarrangoitia, EH Bilduko diputatuak azaldu bezala, orain xehe xehe aztertu beharko dutena

 

SanFerminak 78 Gogoan plataformako abokatuek badute jadanik esku artean lortutako materiala eta orain ikertzen ari dira, 40urtetako inpunitate eta iluntasunari argia eman nahiean. Eskuratu den informazioa, Martin Villa Gobernazio Ministroaren kontrako kereilan txertatzeko aukera ikusten dute talde memorialistek.