Iruñeko udal hauteskundeetarako hautagaia errepikatuko du alderdi sozialistak, barne primarietara izen bakarra aurkeztu ostean. Maite Esporrin izanen da PSNren zerrendaburua, 2015ean bezala. Legegintzaldian, Joseba Asironen gobernu taldearen kontrako oposizio gogorra egiteagatik izan da protagonista Esporrin. Egun 3 zinegotzi ditu alderdi sozialistak Iruñean.
Bigarren aldiz PSNko zerrendaburua izanen da Maite Esporrin, Iruñeko udal hauteskundeetan. Kanpaina deigarri eta berezia egiteagatik ezaguna, legegintzaldian euskeraren eta udal gobernu taldearen aurrerapausu gehienen kontra UPNrekin lerrokatuta azaldu da Esporrin.
Bi legegintzaldi egin ditu Maite Esporrinek Iruñeko Udalean zinegotzi moduan. 2009an Sanferminetako txupinazoa bota zuen. Nafarroako Parlamentuko mahaiko idazkaria izan zen 2011-2015 urteen artean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
