Erorien eraikina eraitsi edo erabilera ezberdinak emateko 7 proposamen hautatu ditu Iruñeko Udalak

Nazioarteko ideien lehiaketara aurkeztutako 48 proposamenen artean 7 hautatu ditu Iruñeko udalak, herritarren ekarpenak jasotzeko publiko eginen direnak. 7 etatik batek eraikina bertan behera bota eta Askatasunaren plaza memoriaren topagune izatea proposatzen du. Beste proposamenek, egungo eraikinaren birmoldaketak planteatzen dituzte erabilera ezberdinei egokitzeko. Memoriaren institutoa, arte garaikidearen museoa, aisialdirako gunea, Sanferminetako museoa edo ta Iruñeko udalatxearen egoitza berria izatea planteatzen dute besteak beste.

7 proposamenak banan banan eta sakonki ezagutzeko aukera izanen da Condestable Jauregian izanen den erakusketan. Bertan herritarrek beren ekarpenak egiteko aukera izanen da. Proposamen bakoitzaren egileek, ekarpen hauekin proiektua garatzen joango dira datozen asteotan, prozedura bukatutzat ematen den arte. Azken irabazlea eta idea errealitatera eramatea, datorren legegintzaldian agintean izanen den udal gobernu talde berriaren esku izanen da.