Izotza apurtzen den ertza antzezlanak gai mardula jarriko du oholtza gainean: esplotazioaz hausnarketa egiteko antzerki lana izanen da asteazkenekoa. Giza esplotazioa edo baliabide naturalen esplotazioa. Biez ariko dira hiru aktore Nafarroako Antzerki Eskolako oholtzan: Maider Lekunberri, Olatz Beobide eta Maitane Perez.
Siberiara joanen da kazetari bat bertan gertatzen ari den enpresen ustiaketa bat aztertzera. Ingurumenean zer nolako kalteak egiten dituen ikertu nahi du. Siberian bi emakumerekin eginen du topo. Eta hortik hasiko dira esplotazio modu desberdinen arteko hausnarketak gertatzen.
Antzerki Aroaren barruan asteazkenean Izotza apurtzen den ertza lana emanen dute. Arratsaldeko 8etan izanen da eta sarrerak 8 euroan daude salgai.
