Polizia auzotik joan dadila eskatu dute Iruñeko Alde Zaharreko bizilagunek

Polizia auzotik joan dadila eskatu dute Iruñeko Alde Zaharreko bizilagunek

Rozalejo Jauregiaren hustuketarako poliziaren neurrigabeko presentziarekin kexu dira alde zaharreko auzolagun, dendari eta hostalariak. Nabarreria plaza eta inguruetako kaleak itxita zeudelarik esnatu dira beste behin ere alde zaharreko bizilagunak. Espainiako Polizia eta Foruzainen furgonetak kale iskinetan, poliziak istiluen kontrako materialaz jantzita edonon. Bizilagunak kexu mugitzeko askatasuna mugatua dutelako, hostalari eta dendariak haserre, kaleak itxita, beste egun batez, bezerorik ez baitute beren negozioetan. Gobernu delegatuari eta barne saileko kontseilariari, polizia alde zaharretik joan dadila eskatu diote gaur goizean.

Bitartean, polizien artean, beharginak lanean Rozalejo jauregian. Material ateratzen jarraitzen dute eta baita eraikina bera aseguratzeko puntalak eta zutabeak. Gaur giroa lasaiago zegoen arren, polizia presentzia erdiaren artean, arratsaldean prentsaurrekoa deitut dute gaztetxeko kideek.