Foruzaingoa Iruñeko Maravillas gaztetxean sartu ziren atzo goizaldean, eraikina ikuskatzeko. Arratsaldean, "hutsaraztea" izan dela salatu dute gaztetxeko kideek, eta mobilizazioa egin dute; foruzainek protestan ari zirenen aurka jo dute, tartean, gomazko pilotak erabiliz. Gaurko bi deialdi egin dituzte, goizerako eta arratsalderako.
AZ Ekimena Alde Zaharreko bizilagun eta kolektiboen plataformak poliziak auzotik ateratzeko eskatu du, eta larrituta agertu dira operazioa ostegunera arte luza daitekeela-eta. Era berean, "gune autogestionatuen aldeko apustua" berretsi dute, eta bat egin du Maravillas gaztetxeko batzarrak egindako deialdiekin. Gaur, asteazkenez, Espainiako Gobernuak Nafarroan duen ordezkaritzaren aurrera joango dira, 12:00etan, eta Nafarroako Gobernuaren Lehendakaritza, Justizia eta Barne Sailera ondoren. 18:00etan, berriz, salda beroa emango dute Nabarreria plazan. Parte hartzeko deia egin diete auzokideei.
Bideoa: ahotsa.info
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!