Arte Eskolatik irten, Paulino Caballero kaletik jeitsiko da kalejira alde zaharreruntz, Gaztelu Plaza eta Txapitelatik iritsiko da Udal plazaraino. Azken urteotan bezala, Iruñeko alkateak, Joseba Asironek harrera eginen dio ikazkinari udal plazatik pasatzen den unean. La Pamplonesa banda izanen da une horretan Olentzerorekin batera.Udala agurtuta Merkaderes eta Estafetatik aterako da erdigunetik, Amaia kalean gora egin aurretik.
Bainan adi, aurretik, larunbata honetan Olentzero Euskalerria Irratiak antolatu duen festan izanen da. Zentral Kafe Antzokian, eguerdiko hamabietan, Olentzero opariz kargatuta ailegatuko da. Kantuan eta dantzan eginen diogu harrera bertan. Sarrerak Karrikirin eta zentral aretoaren web gunean salgai dira.