Euskal presoen sakabanaketarekin amaitu dadin eskatzeko, kalera ateratzeko deia

Euskal presoen sakabanaketarekin amaitu dadin eskatzeko, kalera ateratzeko deia
Itsaso Torregrosak hartu du hitza Kalera Kalera dinamikaren agerraldian.

Bada garaia, presoak kalera goiburuarekin aldarrikapena Iruñean egiteko deia egin dute gaur Kalera Kalera dinamikako kideek. 

Abenduaren 22an, larunbatarekin manifestazioa eginen dute gazteluko plazatik abiatuta. Sakabanaketarekin amaitzeko, preso gaixoak askatzeko, zigor luzaketak ez onartzeko eta lehen graduaren amaiera exijitzeko aterako dira kalera. Itsaso Torregrosak nabarmendu du egun 200 euskal preso daudela sakabanatuta. 

Hiru zutabe irtengo dira manifestazioa hasi aurretik 17:15ean: Barañaindik lehena, Atarrabiatik bestea eta Arrotxapetik hirugarrena. Elkarrekin Gazteluko plazatik eginen dute manifestazioa abenduaren 22an 18:30etik aurrera.