Lurpekariak: Itsasotik iturrira

'Itsasotik iturrira' izeneko diskoa plazaratu du Lurpekariak taldeak. Musikaren itsaso zabaletik, iturrira, haien sustraietara itzultzeko asmoa du seikote iruindarrak. Metropoli Forala irratsaioan izan dira kontu kantari.

Jazza eta euskal tradizioa oinarri hartuta inprobisazioaren bidez sortutako hamabi abesti osatu dituzte lan honetan. Metropoli Forala irratsaioan, Ion Celestino tronpetaria, Nerea Erbiti abeslaria eta Ander Gartzia kontrabaxua elkarrizketatu eta zuzenean kantuan entzuteko parada izan dugu.