Alde zaharreko Plazara! eta Mendillorriko Antzara guneak UPN eta PSNren kritikak jaso dituzten unean, udalak aurreko gobernuak auzo gune komunitarioekin zuen utzikeria agerian utzi du. 17 auzo gune publiko ditu Iruñeak eta horietatik 14k inolazko kontrol edo ta udal ordenamendurik gabe jardun dira azkeneko 20 urtetan.
Plazara eta Antzara guneekin egin bezala, udalak hitzarmen eta akordioak sinatutko ditu hemendik eta urte bukaera bitartean auzo gune publikoekin, ez beren egunerokotasunean edo ta jardunean eskua sartzeko baizik eta beren egoera zein den zehaztu eta beren jarduera ezagutu ahalik eta baldintza hobeagoetan aritu daitezen.
Azpilagaña, Iturrama eta Doninbane kenduta, Iruñeko beste auzoek beren gune propioa dute, tokian tokiko eragile eta taldeek erabil ditzaten. Udalak bertan parte hartzeko gonbitea luzatu die hiritar guztiei, bertan, auzoz auzo, talde ezberdinek egiten duten lana balorean jarriz.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
