Kolektiboak haurnasketa, lan amankomuna eta proposamenak landuko ditu Iruñean. Hiriko LGTBI mugimendurako, egindako lanaren aitortza dira jardunaldi hauek, azken urteotan Bartzelona eta Madrilez gain, Iruñea ere LGTBI mugimenduaren erreferente bihurtu baita. Eragileen lana eta borrokaz gain, azken legegintzaldian, instituzioen babes eta sostengu osoa du LGTBI kolektiboak. Joseba Asiron alkateak, harro egoteko moduko aitortza dela adierazi du.
Azaroaren 9an hasiko dira jardunaldiak Baluarten, Madrilgo udaleko Teresa Maldonadoren hitzaldiarekin aniztasun politikei buruzko solasaldiarekin. Haren ostean eta hiru egunez, Nafarroan egindako legeaz eta harreta guneetaz, indarkeriari buruz, ikusgarritasunari buruz eta baita lan arloan LGTBfobia kasuen aurrean erantzuteko moduei buruz hausnartu, solastu eta aurrera begira jarriko da LGTBI kolektiboa. Izen ematea jadanik zabalik dago encuentroslgtbpamplona.com web gunean.
