Munduko 12 hizkuntza gutxitutako aktibisten bisita, Euskalerria irratian

Euskalerria Irratia 2018ko urr. 17a, 19:16

Garabide elkarteko kideekin batera, kaquilel, kitxe, ketxiak, yucatango maiak, nahuatlak, nasak, kitxuak, guaraniak, kashinawak, maputxeak eta kurduak izan dira irratian. Bideoz irratia zoriondu nahi izan dute 30 urteengatik. 

Munduko 12 hizkuntza gutxitutako bisita izan du gaur Euskalerria Irratiak. Garabide elkarteak antolaturiko Hizkuntza Biziberritzeko Estrategiak Aditu ikastaroan parte hartzen ari dira aktibistak, eta bisitan Iruñerriko irratiaren funtzionamendua barrutik ezagutzeko aukera izan dute. Guztira 20 ekintzaile, 14 emakume eta 6 gizon, hizkuntza gutxituen esperientzia truketik edan eta bueltakoan euren komunitateetan proiektu bana martxan jartzeko prest. 

Irailaren 24tik abenduaren 14ra bitartean luzatuko da egiten ari diren formazioa. 300 klase ordutik gora izango dituzte, 20 bisita didaktiko euskararen biziberritzearen protagonistak bertatik-bertara ezagutzeko eta beste 21 sentsibilizazio ekintza herriz-herrikako biran (hitzaldiak, proiekzioak, erakusketak…).

Zorion agurrak

Irratia zoriondu nahi izan dute hainbatek, irratiaren 30. urteurrenarengatik, eta mezu hauek utzi dituzte: 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!