Iruñerriko euskaldunon agerkaria
euskalerriairratia.eus

Erraldoiak eta peñak une oro non diren jakiteko aukera eskainiko du sanferminen aplikazioak

Euskalerria Irratia 2018-06-26 13:03   Gizartea  Iruñea

Horretaz gain, webgunea eta bideoa prest ditu Udalak, festaren “irudi on bat transmititzeko

Erraldoiak eta peñak une oro non diren jakiteko aukera eskainiko du sanferminen aplikazioak
sanferminofiziala.com webgunearen azala | Ikusi handiago | Argazki originala

“Udal aginte talde honen xedea da sanferminak egiazki nolakoak diren erakustea da. Orain arte lan hori ez zen egiten, eta horren ondorioz askotan gure festaren izaeraren inguruko mezu okerra zabaldu da”, azaldu du Tokiko Ekonomia Jasangarri zinegotzi Patri Peralesek.

Peralesen arabera, aurtengo sanferminetan udalaren xedea da “zerbitzuen kalitatea mantentzea eta alojamenduen kontrolean laguntzea”, bai eta “ostalaritza negozioen inspekzioak handitzea” ere.

Hainbat bide erabiliko dituzte, sanferminak promozionatzeko, eta bide horien guztien bidez ahaleginduko dira zenbait balore bultzatzen, konparaziora, egunez egindako festa, festen izaera historikoa, eta bertako kultura eta tradizioak.

Informazio hori guztia sanferminofiziala.com webgunean jaso ahal izanen da. Eta ahalegin berezia eginen dute edukiok sare sozialetan zabaltzeko.

Ikus entzunezko euskarriei doakienez, Goya saria jasotako Patxi Uriz errealizadore nafarrak 4 minutu eta 23 segundoko bideoa osatu du, sanferminak promozionatzeko: “Erase una vez San Fermin – Bazen behin San Fermin izenburuarekin.

Halaber, San Fermin Pamplona sakelako telefonoetarako aplikazioa gaurkotu eginen dute,  eta, besteak beste, horren bidez, une oro jakin ahal izanen da non dauden erraldoiak, eta non diren peñak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa