Iragan maiatzean deialdi batean euskarari emandako baremazioaren aurka azaldu da Iruñeko Udala, hiru alderdien botoak batuta. Aranzadi eta Geroa Bai abstenitu egin dira. EH Bilduk kontrako botoa eman du.
Zuzenbidean lizentziatuak kontratatzeko deialdia egin zuen publiko Iruñeko Udalak maiatzaren 2an eta euskara baloratzen zen bertan. Orain, baina, baremazio horren kontra egin dute UPNk, PSNk eta Ezkerrak, hain zuzen, Iruñeko udalaren presidentetza batzordearen bozketan.
Deklarazioa onartu dute, hiru talde horiek organo horretan sei boto batzen baitituzte. Bitartean, Aranzadi eta Geroa Bai (hiru boto) abstenitu egin dira; EH Bildu izan da kontrako botoa eman duen bakarra.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
