Iruñeko alkateak sare sozialetan esan berri du: "Arga, Sadar eta Elorz ibaien emariaren handitzeak zenbait errepide moztea eragin du, hala nola, Zizurren, Arrotxapean eta Magdalena inguruan. Alertak larrialdi egoeran segitzen du, bigarren mailan eta une hauetan 300 metro kubiko segunduko ari da hazten, eta aurreikuspenak dio handitzen segituko duela". Foruzaingoa eta Udaltzaingoa ere erabat ari da abisuak igortzen: besteak beste, Korralilloetan aparkatutako kotxeak erretiratzeko eskatzen ari dira. Iruñetik kanpo oso hazita jaisten dira Arakil eta Ultzama ere. Atarrabian gertutik ari dira jarraitzen ibaiaren emaria eta bere bidetik irtengo ote den arriskua handia da. Arakilek gainezka egin du dagoeneko Irurtzunen eta Etxarrenen.
