Hiru dimentsiotako bertsioan, irudi berria H izatetik A bihurtzera pasatzen da, eta kolorez aldatzen da behin eta berriz. Bi dimentsiotakoan, irudi beltza izanen da.
Irudia aukeratzeko, Udalak esleipena antolatu zuen, 13.000 euroko gehienezko aurrekontuarekin. Irabazlea Artworks Comunication agentzia izan da.
Sortzaileek azaldu dutenez, tipografia lineala, artearekin loturiko ikonografia eta Ziudadelarako espreski sorturiko bitartekoak erabili dituzte. Eta helburua irudi garaikide eta modernoa sortzea izan da, baita sinplea ere.
Hiriartea proiektuak Ziudadelan kultur garaikide zentroa sortu nahi du, topoketari, jakintzari eta gozamenari ateak zabaltzen dizkion espazioa, hain zuzen ere. Maider Beloki Hezkuntza eta Kultura zinegotziak eta Maitena Muruzabal areaburuak azaldu dutenez, Hiriartea Iruñearen kultur politika berriaren ardatz nagusietakoa da.
