Berdintasuna sustatzeko politikak eta aurrera begirako egitasmoak aurkeztu ditu gaur Iruñeko Udalak. Berdintasunerako eta LGTBI kolektiborako zinegotziak, Laura Berrok zenbait egitasmoren berri eman du gaur. Berdintasunerako araudia sortuko dutela eta eraso sexisten aurkako kanpaina auzo zein jai-guneetara hedatzea izanen dira 2018rako erronkak.
Berdintasunerako hirugarren plana 206-2022 ere martxan jarria dago eta horren barruan sortu nahi dute Berdintasunerako araudia. Berdintasuna modu transbertsalean landu-beharra dela eta, aurrekontuetan ere genero ikuspegia txertatzea beharrazko jo du Berrok. Informazioa zabaltzeko interneteko atari espezifiko bat ere izatea aurreikusi dute.
Emakumea espazio publikoan ikusarazteko lanean segiko du Udalak eta emakumeek dituzten beharrei egokitzea ere bilatuko da. Gainera, Eraso sexistarik gabe, Iruñea aske goiburuarekin jai-guneak, aisialdirako tokiak eta Prebentzio Protokoloa ere jarri nahi dute martxan:
