Katakrak liburudendatik zuzenean ariko dira 9:00etatik 11:00etara Juan Kruz Lakasta eta Pello Argiñarena lankideak. Euskalerria Irratia beste behin kalera atera da eta oraingoan Kale Nagusiko liburudenda aukeratu dute zuzeneko saioa egiteko.
Katakrak liburudendaz ariko dira lehenbizi. Hasteko, kantinaz mintzatuko dira Xabi Maezturekin. Gero liburutegia aztertuko dute Nerea Fillatekin eta espazio irekiaz hitz eginen du Maitane Unzuk. Ikuspuntu Jaialdia atzo bertan aurkeztu zuten Katakraken eta Garbiñe Ortega zuzendari artistikoarekin ere izanen dira gaur Euskalerria Irratiko lankideak. Alde Zaharraren inguruan, egindako diagnostikoaz mintzatuko da Amaia Canbra eta amaitzeko, Kale Nagusian barrena ibiliko dira Xabier Santamariarekin.
