Hiri sozialagoa, berdintasunean oinarritua eta jasangarriagoa oinarrian izanen dituena sortzeko aurrekontuen alde eginen luke Aranzadik eta Iruñeko Udalak aurkeztu dituenak ez direla modu horretan egituratzen uste dute. Hori dela eta, abstentziorda jo dute Aranzadiko hiru zinegotziek eta Herritarren Asanbleak hartuko duen erabakiak eginen du zirt edo zart behn betiko botoa ematen den unean. Oraingoz, ez dituzte babestu Joseba Asiron alkateak atzo aurkeztutako kontuak. "Iruñearen transformazioa are handiagoa izateko aurrekontuak behar ditu hiriak", nabarmendu du koalizioak ohar batean. Aurrekontuak urtarrilaren 16an onartuko dituzte eta egin horretarako Aranzadiko asanbladak emana izanen du erabakia.
Iritzien arteko desberdintasunak hiri anitzagoa eraikitzen duela ere esan du Aranzadik. Horregatik ez du uste Iruñeko Udala babesten duten lau alderdien artean barne krisirik dagoenik. "Desadostasunak izatea laukoaren baitakoa da", nabarmendu dute.
