Bost ildo izanen ditu plan estrategikoak: kudeaketa, norakoaren eraketa, berrikuntza, egonkortasuna eta produktua. Enpresen, elkarteen, gizarte agenteen eta instituzioen elkarlanari esker sortu dute Turismo Plana. Oraindik zirriborroa da eta proposamen gehiago egotekotan, urriaren 11ra arte egin daitezke.
Helburua, argia: turismo jasangarria. Hala inbertsio publikoak bideratzeko lerro estrategikoak marraztuko dituzte, etorkizuneko ildoa zehazteko eta gobernantza, kudeaketa eta produktu turistikoaren garapenerako markoa zehaztuko dute.
Bestalde, turistak hartzen dituzten pisuak erregulatzeko ordenantza iragarri du Patricia Peralesek Ekonomia eta Turismo zinegotziak, izan ere, "oreka" bilatu nahi dute eta herritarren "ongizatea" bermatu.
