Villavesa gidariek elkarretaratzea egin dute gaur goizeko 10:00etan, Iruñerriko Mankomunitatearen aitzinean, “No más agresiones. Villavesas. Erasorik ez” zioen pankartarekin. Nolanahi ere, enpresa batzordeko presidente Juan Antonio Aldudoren arabera, protesta molde hori agorturik dago: “Gauzak egiteko modua aldatzeko unea heldu da, protestak ez baitira aski. Bilera eginen dugu, urrats berriak aztertzeko”.
“Egunen batean, ezbehar larria gertatuko da, gidari bat jotzen dutelarik, hark ibilgailuaren kontrola gal dezakeelako”, azaldu du Aldudok. Autobusetan segurtasun kamerak jarri dituzte, baina haren irudikoz hori ez da aski: “Eraso fisiko bati aurre egiteko babes fisiko bat behar duzu. Agian metakrilatozko itxitura, herritarrengandik asko urruntzen bagaitu ere”.
Abuztuaren batean izan zen azken erasoa, urteko zortzigarrena hain zuzen ere. Aldudok azadu duenez, emakume batek ez zuen billetea ordaindu nahi izan, eta gidariarekin eztabaidatu eta gero, azkenean jo egin zuen.