Foruzaingoak 15 urteko adingabea atxilotu du Iruñean, bederatzi urteko sexu erasoak egin dizkiolakoan. Osasun zerbitzuek eman dute gertaturikoaren berri, sexu erasoa pairatu duen bederatzi urteko neska artatu dutelarik.
Foruzaingoak haurraren amari sexu erasoen biktimek dituzten eskubideen eta jaso dezaketen laguntza juridikoaren berri eman dio. Eta amak, mediku txostenean oinarriturik, salaketa penala aurkeztu du, eta babes eta urruntze agindua eskatu du, zabalduriko auziak iraun bitartean indarrean jar dezaten.
Jasotako informazioa lagun, Foruzaingoak 15 urteko adingabea atxilotu du Iruñean. Atxilotu eta gero aske utzi dutelark, adingabeentzako egoitza batera eraman dute. Atestatua Iruñeko Adingabeentzako Fiskaltzara bidali dute, eta atxilotuak aurki horren aitzinean deklaratu beharko du.
